اسلام آباد۔ 13مئی (اے پی پی) چیئرمین سینیٹ محمد صادق سنجرانی وادی نیلم اٹی پول انا پِننگ اٹ مروک آ شکست و نہادی جان تا زیان آ ڈکھ و غم نا درشانی ءِ کرینے۔ یک شنبے نادے محمد صادق سنجرانی شکست اٹی تپاخت کروک آ بندغ آتا خاہوت تون ہڑزخواہی کرسا ایماندار تا بخشش کن دعا کرینے۔ اوانتظامیہ و حکومت ءِ ٹھپی تا گچین طبی آسراتی فراوان کننگ نا ہم پارت کرے۔ ڈپٹی چیئرمین سینیٹ سلیم مانڈوی ولا ، سینیٹ اٹی قائد ایوان سینیٹر راجہ محمد ظفرالحق و قائد حزب اختلاف سینیٹر شیریں رحمان ئسک ہم وادی نیلم شکست آ دلی است ہسونی نا درشانی ءِ کرینو و تپاخت کروک آ بندغ آتا خاہوت تون دلی ہڑزخواہی کرینو۔ راجہ محمد ظفرالحق حکومت و ہندی انتظامیہ ءِ شکست نا گواچی مروک آتا خاہوت تون ہروڑنا کمک نا ہم پارت کرینے۔
