اسلام آباد۔ 13مئی (اے پی پی) چیئرمین سینیٹ محمد صادق سنجرانی سی پی این ای نا پوسکن گچین مروک آ صدر عارف نظامی، سیکرٹری جنرل ڈاکٹر جبارخٹک، سینئر نائب صدر امتنان شاہد و ایلو عہدیدار آتے اوفتا گچین مننگ آ مبارکبادی تسنے۔ محمد صادق سنجرانی پارے کہ اودے قوی اومیت ءِ کہ سی پی این ای نا پوسکن گچین مروک آ عہدیدار آک اخباری صنعت نا ویل آتا ایسری کن تینا گچین کڑد ءِ برجاتخرہ۔ اوپارے کہ غٹ پوسکن گچین مروک آ عہدیدار آک آزادی صحافت ، جمہوری اقدار نا مون آ دننگ و ملکی شونداری کن کڑد ادا کیر۔ ڈپٹی چیئرمین سینیٹ سلیم مانڈوی والا ، سینیٹ اٹی قائد ایوان سینیٹر راجہ محمد ظفرالحق و قائد حزب اختلاف سینیٹر شیری رحمان ئسک ہم سی پی این ای نا پوسکن گچین مروک آ عہدیدار آتے مبارکبادی ترسا پاریر کہ صحافت نا بشخ راج انا ویل آتے تالان کننگ اٹ اہم کڑد ادا کیک۔ اوفک گمان ظاہر کریر کہ سی پی این ای نا پوسکن گچین مروک آ صدر عارف نظامی ، سیکرٹری جنرل ڈاکٹر جبارخٹک، سینئرنائب صدر امتنان شاہد و ایلو عہدیدار آک صحافت نا صحت مند کڑد انا کمک اٹ ملکی شونداری نا عمل اٹ سرگرم مریرہ۔
