مسلم لیگ ن 2018ء نالس گچین کاری تیٹی پبی سرسہبی دوئی کیک
اسلام آباد۔ 13مئی (اے پی پی) مسکوہی وزیر مملکت سردار شاہ جہاں یوسف پارینے کہ 2018 ء نالس گچین کاری تیٹی مسلم لیگ (ن) پبی سرسہبی دوئی کیک انتئے کہ حکمران جماعت پنچ سال اٹی ملک ءِ شونداری نا کسر آ روان کرے، توانائی نا تنکی ناایسری کن ہڑدڑی بنداو تیا چندی ڈٹ آتا بناءِ کرے ہرافتا سوب اینولوڈشیڈنگ بھلو حد اسسکان چٹانے۔ داخیال آتا درشانی ءِ او اے پی پی تون خصوصی ہیت وگپ کرسا کرے۔ اوپارے کہ مسکوہی وزیراعظم نواز شریف ءِ 2013ء نا لس گچین کاری تیان پد حکومت جوڑ کننگ نا وارخواہی ملا تو ہمووخت آ ملک اٹی توانائی تنکی ئس وخت اس کہ ملک اٹی امن و ایمنی نا حالیت آک خراب ئسر، او ہڑدڑی بنداو تیا توانائی نا چندی ڈٹ آتا بناءِ کرے ہرافتا پوروی آن اینو مچ آ ملک اٹی لوڈشیڈنگ بھلو حد اسسکان چٹانے۔
