اسلام آباد۔ 13مئی (اے پی پی) اقبال اوپن یونیورسٹی نا وائس چانسلر پروفیسر ڈاکٹر شاہد صدیقی پارینے کہ میڈیا چنکو وخت اسے ٹی تعلیم و تربیت نا ایلو راجی ادارہ غاتیا سبقت دوئی کرینے ابلاغ نا آزادی تون اوار زمواری نا احساس بے حد المی ءِ، ہر بندغ ہرا اسہ کلہو اس شیئر کیک دُن کننگ آن مست داہیت انا تینٹ جاچ ءِ ہلے کہ ایلو تیا دانا انت زہم تمک۔ داخیال آتا درشانی ءِ او یونیورسٹی ٹی اڈ ہلوک آ سوشل میڈیا کانفرنس نا کماشی ءِ کرسا کرے۔ اوپارے کہ پاکستان نا مثبت تشخص ءِ تالان کننگ کن داکانفرنس بے کچ اہم ءِ و دا اہم سرحال نا گچین کننگ آ ای پازیٹو پاکستان ءِ مبارکبادی ایتیوہ۔ کانفرنس نا بست و بند ءِ شعبہ ماس کمیونیکیشن سوشل میڈیا نا متحرک تنظیم ’’پازیٹیوپاکستان‘‘ نا کمک اٹ کریسس۔
