اسلام آباد۔ 12مئی (اے پی پی) وزیراعظم نا سلاہکار قومی تاریخ و ادبی میرات عرفان صدیقی پارینے کہ دہشت گردی و انتہاپسندی کون آ قابل مذمت واقعہ غاک مسلم لیگ (ن) نا گچین کاری و رابطہ الس مہم نا کسر ءِ توننگ کپسہ۔ گچین کاری تا بروخت اڈ تننگ جمہوری تسلسلنا بنداوی ءُ گرج اسے۔ ہفتہ نا دے سروسز ہسپتال لاہور اٹی زیر علاج بنجائی وزیر داخلہ احسن اقبال تون اوڑدہی آن پد میڈیا تون ہیت وگپ کرسا عرفان صدیقی پارے کہ انتہاپسندی ءِ ماس آن کشنگ و خسنگ کن حکومت، میڈیا، سول سوسائٹی، قومی ادارہ و راج انا غٹ تپہ غاتے یکجا مرسا گام گیج کروئی مریک۔ اوپارے کہ احسن اقبال زوت ہسپتال آن اُراغا گدریفنگک۔
