پشاور۔ 12مئی (اے پی پی) وزیراعظم نا سلاہکار و پاکستان مسلم لیگ (ن) خیبر پختونخوا نا صوبائی صدر انجینئر امیر مقام پارینے کہ انشاء اللہ داوار 2018 ء نا لس گچین کاری تیٹی پاکستان مسلم لیگ (ن) خیبر پختونخواٹی پنجاپ آن ہم زیات گیشتری دوئی کیک۔ داخیال آتا درشانی ءِ او سوات نا مرانگا علاقہ گٹ، ملم جبہ ٹی بجلی نا فراوانی ڈٹ آن پد ہموجاگہ نا ہندی بندغ آتیان تران کرسا کرے۔ اوپارے کہ اینو است کنا خوش مسنے کہ 9 ہزار فٹ انا بڑزی آ گٹ، ملم جبہ نا ہند آ بجلی آن محروم خلقت ءِ بجلی تننگ انگ ءِ ، داکنا نصب العین و کنا شدید است خواہی ءِ کہ ہر اُرا ٹی بجلی مرے، ہر مر انگا علاقہ ناروڈ مرے و ہر علاقہ ٹی اسکول و ہسپتال نا آسراتی ساڑی مرے۔ انجینئر امیر مقام پارے کہ 2018 ء نا لس گچین کاری تیٹی شون اتوک آ و شونداری نا کسر اٹ اڑاند شاغوک آتا نیام اٹ مقابلہ مریک۔
