اسلام آباد۔ 12 مئی (اے پی پی) آغا خان ڈیپارٹمنٹ نیٹ ورک (اے کے ڈی این)ءِ یک ڈلے ءَ چار شمبے ءِ روچ ءَ سیکرٹری بی آئی ایس پی عمر حمید خان ءَ گوں گند ءُُ نند کت۔ ڈل ءِ سروکی سی ای او اختر اقبال ءَ کت۔ اے کے ڈی این ءِ نماھندگ آں جان سلامتی، وردن ءُُ وراک، وانگ ءُُ زانگ ءُُ اشتاپیں جاور ھال آنی تہ ءَ کتگیں گامگیج آنی ھوالگ ءَ وتی ادارگ ءِ کرد ءُُ کار ءِ سرجمیں ھال تران کت۔ آئی ءَ گلگت بلتستان ءُُ ملک ءِ ایندگر دمگ آنی تہ ءَ وتی کار ءِ وڑ ءُُ پیم ءِ بابت ءَ سرپد کت۔ سیکرٹری بی آئی ایس پی عمر حمید خان ءَ بی آئی ایس پی ءِ نیمگ ءَ بندات کتگیں پروگرام ، گریجویشن پروگرام، این ایس ای آر ءُُ ھاسیں رنگ ءَ زالبول آنی وت مستری ءِ بابت ءَ پروگرام آنی بابت ءَ بریفنگ دات۔ دوئیں نیمگ ءَ چہ وت مہ وتی یکوئی ءِ کار آنی سر ءَ کمک ءُُ آیوکیں باندات ءَ یکجاھ بوھگ ءُُ کار کنگ ءِ رضامندی سہرا کنگ بوت۔
