’’اے پی پی‘‘ ءِ چیر دستی ءَ برجم داشتگیں دو روچی میاں اوستمانی دو روچی میاں اوستمانی کانفرنس آف نیوز ایجنسیز ءِ برجائی اھوالکاراں گوں بندوک بوھگ ءِ واستہ نودربر آنی واستہ وشیں گپ اِت، کانفرنس ءَ شریکیں کلانہ آنی لیکہ وانگ ءُُ زانگی ادارگ آنی تہ ءَ اھوالکاری ءِ شوبگ ءَ نوکیں زمانگ ءِ لوٹ آنی رد ءَ ھمگام کنگ ءِ موہ پُجارین ایت

جاڑیں شہر آنی جندی ءُُ سرکاری یونیورسٹی ءِ اھوالکاری شوبگ ءِ رھشون ءُُ نودر آناں لیکہ
اسلام آباد ۔12مئی (اے پی پی)راولپنڈی اسلام آباد ءِ سرکاری ءُُ جندی وانگ ءُُ زانگی ادارگ آنی میڈیا ءِ بابت ءَ شوبگ آں راجی ھال آنی شنگ ءُُ تالانی ادارگ ’’ اے پی پی‘‘ ءِ چیر دستی ءَ دو روچی میاں اوستماننی کانفرنس آف نیوز ایجنسیز (آئی سی این اے) ءِ برجا دارگ ءَ را وش اتک کنان ءَ گوشت کہ کانفرنس ءِ گشتانکار آنی لیکہ آں چہ میڈیا ءِ نودربر آناں ھیل کار بوھگ ءِ ٹوھیں موہ رسیت۔ بُنجاھی دارالحکومت اسلام آباد ءَ (باندا) یک شمبے ءِ روچ ءَ بندات بوھوکیں دو روچی میاں اوستمانی کانفرنس (آئی سی این اے) ءِ ھوالگ ءَ جاڑیں شہر آنی جندی ءُُ سرکاری یونیورسٹی آنی اھوالکاری شوبگ ءِ رھشون ءُُ نودربر آنی ھمگونگیں ھیال ءُُ لیکہ بیان کنان ءَ گوشت کہ اے وھد ءَ سرجمیں ملک ءَ چہ 30ءِ نزیک ءَ جندی ءُُ سرکاری وانگ ءُُ زانگی ادارگ آنی تہءَ اھوالکاری ءِ زانشت دیگ بوھگ ءَ انت ءُُ ھمک سال یک ادارگ ءِ 40ءِ نزیک ءَ نودربر زانشت ءَ سرجم کنان ءَ اھوالکاری ءِ پڑ ءَ گامگیج کن اَنت بلے ایشاں چہ کمو نودبر اھوالکاری پڑ ءِ لوٹ آنی رد ءَ بنت۔ ایشی ءِ یک ٹوھیں سبب ءِ ایش انت کہ آ اھوالکاری ءِ سنگینی ءُُ مشکلہ اَنت ایشاناں اگاں لس وانک، گوشداروک نہ پھم اَنت گڈا دومی نیمگ ءَ فارغ التحصیل نودربرر ھم ایشی ءَ چہ سرپد ءُُ زانتکار مہ بنت۔ وانگ ءُُ زانگی ادارگ آنی فیکلٹی ممبران ءَ گوشت کہ اے مشکلہ آں چہ یک ورکنگ جرنلسٹ ھمک روچ بلدکار بنت ءُُ بازیں سال آنی محنت ءَ چہ پد آ میڈیا ہاؤس ءِ سرجم ءُُ برجمیں رنگ ءَ باسک جوڑ بنت، استیں دور ءِ لوٹ ءِ رد ءَ پکوئیں ھال ءِ در جنگ گوست ءِ زمانگ ءِ وڑ ءَ گیش مشکلہ ءُُ گران اِنت ایشی ءِ تہءَ اھوالکار وتی سیم سر ءِ در جنگ ءِ ھاترا گیش ازمت ءُُ جانی جکگ ءَ گوں کار کنگ کپ ایت، ھمے ھاترا توامیں شوبگ آنی جیڈھ آنی تہ ءَ گیشی بوتگ۔ لس لیکہ ایش انت کہ استیں دور ءَ اھوالکاری آسان بیت ایش جوان نہ اِنت، ٹیکنالوجی ءِ دیمروئی ءِ سبب ءَ جوانیں ھال ءِ پٹ ءُُ پول ءُُ ایشی ءِ رپک آنی تہ ءَ ترندیں مٹ ءُُ بدلی بوھگ ءَ انت۔ ھمے ھاترا ھال آنی وھد ءِ سر ءَ شنگ ءُُ تالانی یک فن ءِ جوڑ بوتگ ایشرا ٹوھیں ’’ریاضت‘‘ ءَ ابید در جنک ممکن نہ اِنت۔ ھمے رد ءَ راجی ھال رسانکی ادارگ ایسوسی ایٹڈ پریس آف پاکستان ءَ میاں اوستمانی کانفرنس آف نیوز ایجنسیز (آئی سی این اے) ءِ کنائینگ ءَ چہ اھوالکاری ءَ گوں بندوک ءُُ آیوکیں باندات ءَ گوں بندوکیں نودربر آناں یک ٹوھیں ءُُ لائک ءِ کاری روڑ میپ داتگ۔ کانفرنس ءَ بھرل زوروک ایں سرجمیں دُگنیا ءِ کلانہ آنی لیکہ ءُُ گران بھاھیں ھیال آں چہ سرپد بوھگ ءَ ، وانگ ءُُ گوشدارگ ءَ چہ وانگ ءُُ زانگی ادارگ آنی اھوالکاری پڑ ءِ شوبگ ءَ نوکیں آئیڈیاز رس اَنت، آھودا آ نوکیں کشک آنی پٹ ءُُ پول ءَ کت انت۔