اسلام آباد۔ 11 مئی (اے پی پی) مزن وزیر شاہد خاقان عباسی ءِ سروکی ءَ کابینہ ءِ اقتصادی رابطہ کمیٹی (ای سی سی ) ءِ دیوان آدینگ ءِ روچ ءَ مزن وزیر کارگس ءَ بوت۔ دیوان ءَ پاسکو ءَ چہ 35ہزار میڑک ٹن گلہ فاٹا ءِ ادارکی رنگ ءَ لڈ ءُُ بار کنوکیں ھاندان (ٹی ڈی پیز) ءَ برجم دارگ ءِ ھاترا ورلڈ فوڈ پرگرام ءَ را منظوری دات۔ ای سی سی ءَ پی آئی اے سی ایل ءَ را جہاز آنی انجن ءِ اوورہالنگ ءِ رد ءَ لوٹ بوتگیں ھرچ ءُُ درچ سرجم بوھگ ءِ واستہ 20ارب کلدار ءِ گیشی گرانٹ پُجاری ءِ منظوری ھم دات۔ دیوان ءَ ایوی ایشن ڈویژن ءُُ وزارت ءِ ھزانگ ءَ را پنت ءُُ شون دات کہ اے گپ ءِ دل یکیمی کنگ بہ بیت ای سی سی ءِ نیمگ ءَ چہ منظور کتگیں مالی کمک ایوک ءَ منوگر بوتگیں مول ءُُ مراد آنی واستہ کارمرد بہ بنت۔ چیف ایگزیکٹو آفیسر پی آئی اے سی ایل ءَ دیوان ءِ ءَ را راجی ائیر لائن کوکی ءِ کرد ءَ را گہتر جوڑ کنگ ءُُ ایشی ءِ تاوان ءَ را کم کنگ ءِ ھوالگ ءَ کتگیں گامگیج آنی بابت ءَ بریفنگ دات۔ ای سی سی ءَ اوگرا ریگولیٹری فریم ورک ءِ تہ ءَ ایل این جی /آر ایل این جی ءِ سرجمیں سپلائی چین ءِ سیم سر آں سر کنگ ءُُ شنگ ءُُ تالان، وصولی ءُُ بلنگ ءِ تہ ءِ کمیگ آنی دور کنگ ءِ واستہ اوگرا آرڈیننس 2002 ءَ المی ایں مٹ ءُُ بدلی آناں پجار کنگ ءِ شور ءُُ سلاھ ءِ منظوری ھم دات۔ ای سی سی ءَ تاجگیں نیبگ، سبزی ءُُ ھُشکیں نیبگ ءِ اوگانستان ءَ چہ درآمد ءِ پد ءَ ریگولیٹری ڈیوٹیز ءَ چہ شید ءُُ بید ءِ منظوری ھم دات ایشی ءِ جار مزن وزیر ءَ وتی اوگانستان ءِ تر ءُُ تاب ءِ ساھت ءَ کتگ بوتگ۔
