اسلام آباد۔ 10 مئی (اے پی پی) پاکستان اٹی نرس آتا جہانی دے 12مئی (ہفتہ) غا پبی وڑاٹ اڈ تننگک۔ داچرجوئی ٹی جہانی ادارہ جان جوڑی، حکومت پاکستان، انٹرنیشنل نرسنگ آرگنائزیشن ، پاکستان میڈیکل ایسوسی ایشن، اسلامک میڈیکل ایسوسی ایشن، جنرل نرسنگ اسکولز، نرسنگ ویلفیئر ایسوسی ایشن پنجاپ تون اوار گڑاس یلو سرکاری و نیم سرکاری تنظیم تا کنڈآن صوبائی دارالحکومت آتیان بیدس غٹ ڈویژنل و ضلعی ہیڈکوارٹر آتیا واکس، سیمینار ، کانفرنس، ورکشاپ ، شرہ وایلو پروگرام تے اڈ تننگک ہرافتا مسخت نرسنگ نا بشخ انا اہمیت و افادیت، نرس آتا خذمت آتا امناکننگ، اوفتے مون تروک ویل و مشکل و نرسنگ نا بشخ اٹی پوسکن آ بدلی تتون اوار اوار ایلو اہم معاملہ غاتے مون آ تخوئی ءِ۔ داوخت آ ڈکھیا انسانیت نا خذمت کن نرس آتا کسبی خذمت آتے شاندار لوز آتے ٹی خراج تحسین ہم پیش کننگک۔
