اسلام آباد۔ 10 مئی (اے پی پی) قائد حزب اختلاف سید خورشید احمد شاہ پارینے کہ سندھ اٹی دیر انا تنکی ءِ و سہدار تے ہم کنوئی ءُ دیر میسر اف دامعاملہ غا ارسا نا زوت دیوان ءِ بٹنگ انگے۔ پنچ شنبے نادے قومی اسمبلی ٹی اعتراضی ٹک آ خورشید شاہ پارے کہ سندھ اٹی دیر انا تنکی تون مون تروکی ءِ۔ حکومت داڑآ ایمر جنسی خلے۔ ارسا نا زوت دیوان ءِ بٹنگ انگے۔ مننگ کیک داڑآ برانز کروئی تمے۔ اسپیکر پارے کہ وزیر آبی وسیلہ ءِ بٹنگ انگے۔ سید خورشید شاہ پارے کہ شیخ آفتاب نا کنے آنبار کسس خف توپک پارلیمنٹ بے وس ءِ۔ حکومت داپارلیمنٹ ءِ ہمو اہمیت ءِ تتو ہرادے تروئی مرے۔
