لاچین ۔28مئی (اے پی پی):وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ راستی ءِ جنگ ءِ سوبمندی ءَ پد پاکستان ءِ میاں اوستمانی ارزشت گیش بوتگ، آذربائیجان ءِ الس ءَ اے سوبمندی ءِ وش آتک کتگ، یوم تکبیر مئے راجی سوبمندی ءِ روچ اِنت۔ چار شمبے ءِ روچ ءَ آذربائیجان ءِ تر ءُ تاب ءِ ساھت ءَ میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ اللہ تعالیٰ ءِ فضل ءُ کرم ءَ چہ راستی ءِ جنگ ءُ آپریشن بنیان مرسوس ءَ یک دراجیں سوبمندی یے بوتگ کہ ایشی ءِ واستہ سرجمیں راج منت وار اِنت۔ مزن وزیر شہباز شریف ءُ فیلڈ مارشل سید عاصم منیر اے تر ءُ تاب ءَ ساڑی انت، آذری ءُ ترک راج ءَ مئے سوبمندی ءَ گوں مزنیں وشّی یے ءَ وش آتک کتگ، مرچی مئے سئے نیمگی گپ ءُ تران ءُ گپ ءُ تران بیت، مئے گوں دوئیں ملکاں اسٹریٹجک سیادی است انت، ایشی ءَ پیسر ما ترکی ءُ ایران ءَ شتیں ءُ مرچی ما ادا پاکستان ءِ آذربائیجان ءِ ڈے ءُ آذربائیجان ءِ دیم ءَ ئیں۔ یکجاہ تکبیر دارگ بوہگ ءَ انت، ادا جشن ءِ ماحول انت۔ آئی ءَ گوشت کہ گوستگیں روچ ءَ مزن وزیر شہباز شریف ءَ آذربائیجان ءِ صدر الہام علیف ءُ الس ءِ سرجمیں کمک ءِ واستہ دل ءَ چہ شگر ءُ منت گپتگ، پاکستان ءِ ھوالگ ءَ ادا مزنیں جذبہ است انت۔ مزن وزیر شہباز شریف ءِ متحرکیں سفارتکاری ءَ چہ پاکستان ءَ را میاں اوستمانی تک ءَ نوکیں پجار داتگ۔ آئی ءِ اے گپ پدر کت کہ پاکستان انصاف ءِ جنگ ءِ راستیں نیمگ ءِ بوتگ ئُُ دگنیا ءِ پاکستان ءِ موقف من اِتگ۔ عطا اللہ تارڑ ءَ گوشت کہ مرچی یوم تکبیر ءُ ادا جمہوریہ ءِ روچ ءِ موہ ءَ مزن وزیر شہباز شریف، ترکی ءِ صدر رجب طیب اردوان ءُ آذربائیجان ءِ صدر الہام علیوف یکجاہ کاینت۔ آئی ءَ گوشت کہ مئے رودراتکی ھمساھگ ءِ شکار بوتگیں مزن وزیر وتی ننگ ءَ مٹ کنگ ءِ واستہ غیر ذمہ دار بیان کنگ ءَ انت بلے دگنیا پاکستان ءِ توسیپ ءَ کنگ ءَ انت۔ یک جست ءِ پسو ءَ وفاقی وزیر ءِ اھوالکاری ءَ گوشت کہ مزن وزیر شہباز شریف ءُ نائب مزن وزیر اسحاق دار ءِ سفارتی کوشست آنی سبب ءَ جھان ءِ تک ءَ پاکستان ءِ سیادی مھکم بوھگ ءَ انت، وھدیکہ جتا جتائیں پڑ آنی تہ ءَ کمک ءَ را گیش کنگ ءِ واستہ زوت ڈل ءِ تک ءَ گیش گند ءُ نند کنگ بیت۔ آئی ءَ گوشت کہ آذربائیجان ءِ صدر دوئیں ملک آنی نیام ءَ سیادی آناں نوکیں کوڑھ آنی سر ءَ سر کنگ ءِ واھشت مند اِنت۔ آئی ءَ گوشت کہ ترکی، آذربائیجان ءُ پاکستان ءِ اُلس، حکومت ءُ سروکی یک ءُ دومی ءِ گوما یکوئی ءَ اَنت ءُ یک ءُ دومی ءِ وشیاں بھر ءُ بانگ کن اَنت۔
