لاچین ۔28مئی (اے پی پی):مزن وزیر محمد شہباز شریف آذربائیجان ءِ شھر لاچین ءَ وتی دزگٹیں روچ ءَ گوازین ایت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف پاکستان ءُ ترکی ءُ آذربائیجان ءِ سئے نیمگی دیوان ءَ بہر زوریت ءُ گشتانک دنت۔ مزن وزیر ءِ گشتانک پی ٹی وی نیوز ءِ سرا براہ راست شنگ کنگ بیت۔ آئی ءِ گشتانک پاکستان سٹینڈرڈ ٹائم ءِ رد ءَ 2:45 ءَ بگر داں 3:45 ءِ نیام ءَ سر کنگ ءِ گمان اِنت۔ مزن وزیر کارگس ءِ رد ءَ مزن وزیر محمد شہباز شریف ترکی ءُ آذربائیجان ءِ صدر آنی گوما آذربائیجان ءِ آجوئی ءِ روچ ءِ درگت ءَ مراگش ءَ ھم بھر زوری کنت ءُ مراگش ءَ گوں تران ھم کنت کہ اے مراگش پی ٹی وی نیوز ءِ سر ءَ 4بج ءَ بگر داں 6بج ءَ پاکستان ءِ نیمگ ءَ براہ راست شنگ کنگ بیت۔
