لاچین۔28مئی (اے پی پی):مزن وزیر محمد شہباز شریف ءَ گوشت کہ پاکستان، ترکی ءُ آذربائیجان مزنیں قدر ءُ قیمت، امن ءُ انصاف ءِ واستہ یکے دومی ءِ کش ءَ اوشتاتگ اَنت، سہ نیمگی گند ءُ نند ءَ مارا یکوئی ءِ گوما دیم ءَ روگ ءِ موہ رس ایت، ما امن لوٹ ایں ءُ بھارت ءِ گوما درستیں جیڈھ آناں گیواری کنگ لوٹ ایت۔ اے ھیالانی درشانی آئی ءَ چار شمبے ءِ روچ ءَ پاکستان، ترکی ءُ آذربائیجان ءِ سئے پریکی دیوان ءَ گوں تران کنان ءَ کت انت۔ مزن وزیر ءَ گوشت کہ من آذربائیجان ءِ صدر الھام علیف ءُ آزربائیجان ءِ اُلس ءَ را آجوئی ءِ روچ ءِ مبارکی ءَ دیاں۔ آذربائیجان ءِ راج ءَ چہ زبردستیں جہد ءَ دنیا ءِ تہا یک نامداریں جاہے زرتگ۔ آئی ءَ گوشت کہ من ترکی ءِ صدر رجب طیب اردوان ءَ را مبارکی دیان آں کہ آئی ءَ پی کے کے ءِ جیڈھ ءَ را دوستانہ رنگ ءَ گیواری کتگ۔ اے مزنیں سفارتی سوبمندی یے ۔ اے گپ ءَ ترکی ءِ اثر ءُ رسوخ نہ ایوک ءَ دمگ ءَ بلکیں چہ ایشی ءَ دریں دمگاں ھم گیش کتگ۔ مزن وزیر ءَ گوشت کہ آذربائیجان ءَ جوانیں وش اتک ءُ مہمان داری ءِ واستہ صدر الہام علیف ءِ شگر ءُ منت وار آں۔ مرچیگیں دیوان سئے راستیں دوستیں ملک آنی مخلصی ءِ درشان اِنت۔ مئے دل چہ وشّی ءَ پُرّ اَنت۔ گوستگیں سال ءِ مئی ءَ آستانہ ءَ سئے نیمگی دیوان برجم دارگ بوتگ ات کہ ایشی ءِ تہا یکے دومی ءِ دلچسپی ءِ دمگ آنی سر ءَ پائدگ مندیں گپ ءُ تران کنگ بوتگ ات۔ مرچی ما اے سئے نیمگی شریکداری ءَ را نوکیں بالاد ءَ سر کنگ ءِ جزم ءِ درشان کن ایں کہ مئے راج ءِ واھشت آنی رد ءَ بہ بنت۔ مزن وزیر ءَ گوشت کہ پاکستان، آذربائیجان ءُ ترکی ءِ تہ ءَ گہتریں راجدپتری، دود ءُ ربیدگی ءُ مذھبی سیادی ءِ وسیلگ ءَ یکجاھ انت ءُ دہائی آنی کوھنیں یکجائی ارزشت آنی تہ ءَ ھوار انت ءُ یک دومی ءِ کمک ءَ کن انت۔ مزن وزیر ءَ گوشت کہ ما یکے دومی ءِ گوما اوشتاتگیں، کراباخ، کشمیر ءُ رودراتکی ترک قبرص ءِ جیڈھ بہ بیت، مئے یکجہتی ءُ وت مہ وتی شرپ ءُ شرپ مئے مھکم انت، اے طبیعی انت پرچا کہ مئے الس ایشی ءِ مھکمیں حمایت ءَ کن انت ءُ ایشی ءِ درشان ترکی ءُ آذربائیجان ءِ واستہ مہر ءُ دوستی ءَ کنگ بیت۔ مزن وزیر ءَ گوشت کہ گوستگیں وھد ءَ پاکستان ءُ بھارت ءِ نیام ءَ جیڈھ ءِ وھد ءَ بھارت نام نہاد پہلگام وئیل ءِ ھوالگ ءَ پاکستان ءِ ھلاپ ءَ ھچ وڑیں ثبوت پیش کنگ ءَ ناکام بوتگ، بلکیں غیر جانبدار ءُ شفافیں پٹ ءُ پول ءِ مئے پیشکش رد کتگ۔ مزن وزیر ءَ گوشت کہ دگنیا ءَ را سلاہ بندیں جنگ، موسمی بدلی، نادراھی ءُ اقتصادی بحران ءَ ھوار بازیں چیلنج آنی دیم ءَ انت، اے درگت ءَ اے سئیں مثالی ملک ادا یکجا بوتگ انت، ما ھمدردی ءِ امیت کن ایں ءُ جیڑھاں رد کن ایں، ما امیت وار ایں کہ صبر ءُ زانت امن ءُ وشھالی ءِ سبب جوڑ بیت۔ مزن وزیر شہباز شریف ءَ گوشت کہ یک بے وسی ءُ بے رھبندیں دگنیا ءِ تہ ءَ سیاسی استحکام ءِ جوڑیشت، ھمگرنچی ءِ دیمروئی ءُ نوکیں ٹیکنالوجی نوکیں راستی آناں جنجال پیداک کنگ ءَ انت۔ انوگیں جاوراں دو براتیں ملک ترکی ءُ آذربائیجان مئے گوما اوشتاتگ انت کہ اے وش بھتی ءِ گپ انت۔ ما بے ھچ ھیال ءُ لیکہ ءَ آھانی سر ءَ بھروسہ کنیں۔ مئے دروازگ مدام پہ تپاکی، امن، انصاف ءُ اخلاقیات ءَ پچ انت۔ مزن وزیر ءِ گوشت کہ مئے آزمائشی ئیں سیادی نا ایوک ءِ وتی الس ءِ واستہ سیت مند بنت بلکینگ ءِ دمگ ئُُ چہ ایشی ءِ چہ ڈن ءِ امن ئُُ وشھالی ءِ واستہ ھم سیت مند بنت۔ مزن وزیر ءَ گوشت کہ اے سہ نیمگی گند ءُ نند مئے درست آنی واستہ وھد ءُ پاس ءِ ءُ سک باز ارزشتی اِنت، ایشی ءَ مارا المی ئیں سیاسی جزم ءُ جتا جتائیں پڑ آنی تہ ءَ یکجائی ءُ کثرت پسندی ءِ رنگ ءَ دیم ءَ روگ ءِ موہ داتگ۔ مزن وزیر ءِ گوشت کہ گوستگیں وھد ءِ پاکستان ئُُ بھارت ءِ جیڈھ سک نگیگ انت۔ ہندوستان ءَ پاکستان ءِ سرا بے جاہ زوراکی کت ءُ پاکستان ءِ سرا اُرش کت۔ ترکی ءِ صدر رجب طیب اردوغان ءُ آذربائیجان ءِ صدر الہام علیوف ءَ پاکستان ءِ الس ءِ واستہ سرجمیں یکوئی ءُ بے مٹیں کمک ءِ درشانی کتگ کہ اے ستا کرز انت۔ ایشی ءِ واستہ من پاکستان ءِ سرکار ءُ پاکستان ءِ مہلوک ایشانی منت وار آں ۔ ما مدام اے دوئیں ملکانی منت وار باں ۔ مزن وزیر ءَ گوشت کہ فیلڈ مارشل سید عاصم منیر ءَ سلاہ بندیں اُرد ءِ سروکی کت۔ آئی ءَ بہادری ءَ گوں جنگ کت ءُ پیشہ وارانہ ءِ مستریں کچ ءُ کساس ءِ درشانی کت۔ سرجمیں پاکستانی راج سلاہ بندیں اُرد ءِ کش ءَ اوشتاتگ ات۔ اے صبر ءُ برداشت ءِ گوما بے باکیں، بے باکیں ءُ لوہے ءِ جزم ءِ درشان ات کہ ایشی ءِ وسیلہ ءَ ہندوستانی جارحیت ءِ دیم ءَ دارگ بوت۔ اللہ تعالیٰ ءِ فضل ءُ کرم ءَ چہ پاکستانی مہلوک ءُ دوستیں ملکانی کمک ءَ مارا سوبمندی رست۔ مزن وزیر ءِ گوشت کہ ما پڑ ءِ ایمنی لوٹ ءِ آں ئُُ مدام ایمنی لوٹ ءِ باں۔ ایشی ءِ ھاتر ءَ گپ ءُ تران المی اِنت ءُ زوتیں جیڑھ اَنت چوش کہ اقوام متحدہ ءِ سلامتی کونسل ءِ قرارداد ءُ کشمیری راج ءِ واھشتانی رد ءَ مقبوضہ کشمیر ءِ گیش ءُ گیوار، آپ ءِ جیڑھ، بدبھتی ءَ ھندوستان ءَ سندھ ءِ آپ ءِ معاہدہ ءَ را سلاہ ءِ رنگ ءَ کارمرد کنگ بندات کتگ۔ اے پہ پاکستانی مہلوک ءَ زندگی ءِ گپ انت۔ 240 ملین مردم اے آپ ءَ پہ کشت ءُ کشاری ءُ دگہ کاراں کارمرز کن اَنت۔ اے بدبھتی ءِ گپ اِنت کہ ھندوستان مئے دریاھانی تہ ءَ آپ ءِ روگ ءِ بند کنگ ءِ دھمکی دیگ ءَ اِنت۔ اے ھچبر ممکن نہ اِنت ءُ نہ بیت۔ ما اے گپ ءِ پدر کنگ ءِ ھاترا گامگیج کنگ ءَ ایں کہ بھارت اے کار ءَ کدی ھم کت نہ کنت۔ مزن وزیر ءِ گوشت کہ بھارت دل ءِ گوما انسداد ناشرکاری ءِ بابت ءِ گپ جنگ لوٹ ایت گڈا پاکستان ءِ بابت ءِ ھم بھارت ءِ گوما گپ کنگ ءِ تیار اِنت۔ ما دگنیا ءِ تہ ءَ ناشرکاری ءِ آماچیں ملک آں ۔ ناشرکاری ءِ ھلاپ ءَ جنگ ءَ 90 ھزار ءَ چہ گیش پاکستانی شھید بوتگ اَنت ءُ چہ اقتصادی رد ءَ 150 ارب ڈالر ءَ گیش تاوان بوتگ۔ اے آفت ءِ ہلاس کنگ ءِ جزم ءِ چہ ایشی ءَ مستریں مثال بوت نہ کنت۔ پاکستان بھارت ءِ گوما تجارت ءِ دیمروئی ءَ ھوار توامیں المی کارانی سر ءَ گپ ءُ تران کنگ ءَ تیار اِنت۔
