اسلام آباد۔28مئی (اے پی پی):مزن وزیر محمد شہباز شریف ءَ آزربائیجان ءِ صدر الہام علیف ءَ را آجوئی ءِ روچ ءِ وشیں موہ ءَ دل ءِ جہلانکی ءَ چہ سلام ءُ دروت گوشت۔ سوشل نیٹ ورکنگ سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ پاکستان آذربائیجان ءِ گوما وتی نزیکیں براتی سیادی ءَ را ارزشت دنت کہ یکجائی راجدپتر، وت مہ وتی بھروسہ ءُ یک دومی ءِ واستہ بے دروریں کمک ءِ پابند اَنت۔ آئی ءَ گوشت کہ آذربائیجان ءَ اے راجدپتری روچ ءَ صدر الہام علیف ءُ مئے آذربائیجان برات ءُ گھار آنی گوما برجم دارگ سک باز وشی اِنت۔ مزن وزیر محمد شہباز شریف ءَ اے باور ءِ ھم درشان کت کہ صدر الہام علیف ءِ زانتکاریں ءُ سوچوکیں سروکی ءِ چیر دستی ءَ مئے کثیر جہتی شریکداری دیم ءَ گیش مھکم ءُ مھکم بیت۔
