اسلام آباد۔28مئی (اے پی پی):توانائی ءِ وفاقی وزیر اویس احمد خان لغاری ءَ گوشت کہ وزارت ءَ کے الیکٹرک ءِ جنریشن، ٹرانسمیشن، ڈسٹری بیوشن ءُ سپلائی لائسنس ءِ ھوالگ ءَ نیپرا ءِ لھتیں پیسلہ آنی سر ءَ لھتیں سنگینیں جیڈھ آنی درشانی کتگ کہ ایشی ءَ چہ آیوکیں کثیر سالی ٹیرف ءِ وھد ءِ سرمایہ کاری منصوبگ ءَ را ھم تاوان رسیت۔ چار شمبے ءِ روچ ءَ سوشل میڈیا ایکس ءِ سر ءَ وتی پوسٹ ءِ تہ ءَ آئی ءَ گوشت کہ اے پرمان آنی یک وڑیں ٹیرف ءِ نظام ءِ تہ ءَ صارف آنی ٹیرف ءُ وفاقی حکومت ءِ سبسڈی آنی سر ءَ دراجیں مدتی ءِ تہ ءَ مزنیں اثرات است انت۔ آئی ءَ گوشت کہ وزارت ءِ نیمگ ءَ چہ ٹرانسمیشن، ڈسٹری بیوشن ءُ سپلائی ءِ ھوالگ ءَ نوکیں جاڑی بوتگیں تعین آناں چار ءُ تپاسی کنگ ءِ منصوبگ بندی کنگ بوھگ ءَ اِنت۔ دومی نیمگ ءَ دسمبر 2024 ءَ پدا پیش کنگ ءِ باوجود کوھنیں نسل ءِ ٹیرف ءِ پیسلہ ءِ ترمیم نیپرا ءِ دلگوشی ءِ ودار ءَ اِنت۔ اے تاخیر ءِ سبب ءَ بجلی ءِ شعبہ ءُ ایشی ءِ سبسڈی ءِ سرا سنگینیں مالی اثرات است انت۔ پدا اگاں لھتیں دمگ آناں گیش ءُ گیوار نہ کنگ بہ بیت گڈا آ صارف ءُ ریگولیٹری چاگرد ءِ سر ءَ منفی اثر مند بوت کن اَنت ءُ ایشی ءَ چہ پاکستان ءِ کوشست آناں چہ شنگ ءُ تالان ءِ شوبگ ءَ نجی بھر زوری ءِ دلبڈی دیگ ءِ ھاترا ممکنہ رنگ ءَ رکاوٹ جوڑ بوت کنت۔
