اسلام آباد۔ 10 مئی (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تے ٹی پورٹس اینڈ شپنگ ڈویژن نا شونداری کاریم تے کن داوخت اسکان جم وڑاٹ اسہ ارب 45کروڑ 39 لکھ روپئی آن زیات نا فنڈ جاری کرینے، حکومت داڈویژن نا شونداری کاریم تے کن اینخو مالی سال اٹی 12 ارب 77 کروڑ 56لکھ روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نار داٹ حکومت گوادر اٹی آئل اسٹوریج نا رداٹ ڈغار نا ہلنگ کن 2کروڑ 90 لکھ، گوادر اٹی ورکشاپ نا رداٹ ڈغار نا ہلنگ کن 87 لکھ، جے پی اے ہاؤسنگ کمپلیکس نا اپ گریڈیشن کن 14کروڑ 62لکھ، ملابینڈ ایریا ٹی شونداری کاریم تے کن 85کروڑ، سی پیک نا رداٹ ایسٹ بے ایکسپریس وے انا جوڑ جاڑ کن 18 کروڑ روپئی تون اوار چندی شونداری ڈٹ آتے کن فنڈ جاری کرینے۔
