اسلام آباد ۔ 9 مئی (اے پی پی) جامعہ بنوریہ عالمیہ ءِ رئیس وشیخ الحدیث مفتی محمدنعیم ءَ گوشت کہ جسٹس شوکت عزیز صدیقی ءِ ’’نیلام گھر‘‘ لیلام گس آنی سر ءَ جتگیں بندش ءِ پیسلہ ءَ را لائک ءِ توسیپی گوشتگ، رمضان اللہ پاک ءِ نیمگ ءَ ’’مغفرت ءُُ بکشیش‘‘ ءِ جوانیں موہ اِت، کمائی ءِ سیزن ءُُ ماہ ءِ فیشن جوڑ کنان ءَ چینل ءَ جتا جتائیں لیب ءُُ گوازی ءُُ تماشہ کنگ ءَ چہ ایشی ءِ بے شرپی کنگ بوھگ ءَ ات، پیسلہ ءَ چہ بے حیائی ءِ دیمروئی ءِ ایجنڈھ ءِ سر ءَ کار ءِ کنوک آنی چپ چاگرد بیت۔ سئے شمبے ءَ بنوریہ عالمیہ ءَ چہ جاڑی بوتگیں بیان ءَ رد ءَ مفتی محمدنعیم ءَ اسلام آباد ہائی کورٹ ءِ نیمگ ءَ جاڑی بوتگیں رمضان ءَ لیلام گس آنی سر ءَ بندش ءُُ پنچیں وھد ءِ بانگ ءِ شنگ ءُُ تالانی ءَ را المی کنگ ءِ حکم دیگ ءَ را وش اتک کنان ءَ گوشت کہ جسٹس شوکت عزیزصدیقی راستیں رنگ ءَ ھک ءِ رد ءَ درورئی پیسلہ کنگ ءَ اِنت، ٹی وی چینلز روچ پہ روچ ملکی لیکہ ءِ سر ءَ چہ گستا بوھان انت۔ ھمک سال ماھ ءِ رحمت ءَ را ماھ ءِ فیشن جوڑ کنان ءَ لیب ءُُ گوازی ءُُ تماشہ کنگ ءَ چہ اے بے دروریں ماھ ءِ بے شرپئی ءَ کنگ ءَ بوتگ اَنت اے رنگیں گیر ءُُ دار ءَ چہ کشاں چیل ءُُ لنڈرئی ءَ را شنگ ءُُ تالان کنگ ءِ سبب بوھگ ءَ اتنت۔ ایشی ءَ چہ چاگرد ءِ سر ءَ ھرابیں رند پد نکش بیت، اے پیسلہ ءَ چہ رمضان ٹرانسمیشن ءِ نام ءِ سر ءَ بِھ ھیائی ءِ کار کنوک آنی دست پنجگ بوھگ ءَ ھوار چاگرد ءِ تہ ءَ جوانیں برورد دیم ءَ کئیت۔ آئی ءَ گیش تران کت کہ ’’متنازع‘‘ ٹپیگیں یا دین ءِ علم ءَ دور ءُُ گستائیں مردم آناں میزبانی دیگ ءَ چہ نیک راھی ءَ را بے شرپ کنگ بیت، سرجمیں سال ءَ ماڈلنگ، ساز ءُُ زیمل ءُُ ایندگر جیڈھ آں گوں مُشکولیں مردم آناں نیک راھی مراگش ءِ میزبانی دیگ ءِ سر ءَ پابندی جنگ بہ بیت۔
