اسلام آباد۔ 9 مئی (اے پی پی) مزن وزیر شاہد خاقان عباسی ءَ قومی اسمبلی ءِ دیوان ءِ ساھت ءَ پیپلز پارٹی ءِ پارلیمانی لیڈر سید نوید قمر ءَ گوں گند ءُُ نند کت ءُُ ساھتُکے ءَ دوئیں سروک آنی نیام ءَ ھیال ریچی بوت۔ چار شمبے ءِ روچ ءَ مزن وزیر شاہد خاقان عباسی ءِ قومی اسمبلی ءِ دیوان ءَ آیگ ءِ پد ءَ بازیں بُنجاھی وزیر ءُُ جتا جتائیں ڈل آں گوں سیادی داروکیں اسمبلی ءِ باسک آں مزن وزیر ءَ گوں گند ءُُ نند کت۔ مزن وزیر شاہد خاقان عباسی وتی سیٹ ءِ سر ءَ چہ چست بوت ءُُ سید نوید قمر ءِ کراّ شت ءُُ گوشت کہ راجدپتر ءَ اولی رند ءَ مزن وزیر شاہد خاقان عباسی یکیں وھد ءَ ایوان ءِ سروک بوھگ ءُُ بُکگ جنگ ءِ کرد ءَ پیلو کنگ ءَ اِنت۔ مزن وزیر شاہد خاقان عباسی ءَ ھوار ایوان ءِ توامیں باسک آں ٹھک جت ءُُ مزن وزیرزوت زوت ءَ بُکگ جنوک ءِ سیٹ ءَ چہ پاد اتک ءُُ وتی سیٹ ءِ سر ءَ شت ءُُ نشت۔
