اسلام آباد۔09 مئی (اے پی پی) قومی وطن پارٹی نا سروک آفتاب احمد خان شیر پاؤ پارینے کہ سیاست دان تا حب الوطنی آ شک کننگ افسوزناک ءِ۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ سیاست دانک قومی سرمایہ ءُ ، اوفتا حب الوطنی آ شک کننگ افسوزناک ءِ۔ قومی احتساب بیورو نا چیئرمین منہ دے مست 4ہزار پاکستانی تے امریکہ نا حوالہ کننگ نا ہیت کریسس اوکان پد اٹی تردید کننگا و داسہ او مسکوہی وزیراعظم محمد نواز شریف نا برخلاف ہیت کرسا پوسکن ءُ شرہ اس شروع کرینے۔ آفتاب احمد خان شیر پاؤ پارے کہ ادارہ غاک دُن انگا معاملہ غاتے ٹی بایدے خیال کیر۔ اوپارے کہ اصغر خان کیس اٹی سپریم کورٹ حکومت ءِ مشکل اٹ بٹیسس۔ جوان مسکہ عدالت عظمیٰ دامعاملہ غا تینٹ فیصلہ کروسس۔
