راولپنڈی۔ 09 مئی (اے پی پی) پاک فوج انا سروک جنرل قمر جاوید باجوہ پارینے کہ ننا ورنانسل ہی ننا اصل دفاعی لائخی ءِ۔ آئی ایس پی آر نا رداٹ غیر سرکاری تنظیم زندگی ٹرسٹ نا رداٹ چلینگوک آ چندی سرکاری اسکول آتا طالب علم آک جنرل ہیڈکوارٹرز (جی ایچ کیو) ٹی پاک فوج انا سروک جنرل قمر جاوید باجوہ تون اوڑدہی کریر۔ طالب علم آتون ہیت وگپ کرسا آرمی چیف نا پاننگ ئس کہ پاکستان اٹی ٹیلنٹ نا ہچ ءُ کمتی اس اف و ننا ورنانسل ہی ننا اصل دفاعی لائخی ءِ۔ اوپارے کہ ورناک سائنس و ٹیکنالوجی نا پڑ اٹ پوسکن انگا جہانی آب آتا رداٹ مہارت دوئی کیر۔ آرمی چیف اسہ طالب علم اسے تون جوزہ خیر سگالی نا رداٹ شطرنج ہم گوازی کرے۔
