اسلام آباد۔ 09 مئی (اے پی پی) بنجائی وزیر میری ٹائم افیئر زمیر حاصل خان بزنجو پارینے کہ مسکوہی وزیراعظم نواز شریف آ بھارت زر گدریفنگ نا دوبہ نا بابت نیب انا کنڈآن بیدس جاست وپاست نا نوٹس ہلنگ غیر زموارانہ ءِ، دابابت پارلیمنٹ نا کمیٹی اس جوڑ کرسا جاست وپاست کرفنگے۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا بنجائی وزیر پارے کہ مسکوہی وزیراعظم نواز شریف آ بھارت زر گدریفنگ نا بابت نیب بیدس جاست وپاست انا نوٹس ہلک۔ داڑآن مسکوہی وزیراعظم نواز شریف نا ساکھ خراب مس۔ بنجائی وزیر پارے کہ دابابت پارلیمنٹ نا کمیٹی اس بایدے جوڑ مرے ہرا زر انا گدریفنگ نا جاست وپاست ءِ کرسا پارلیمنٹ ءِ معلومدار کے۔
