اسلام آباد۔ 09 مئی (اے پی پی) وزیر مملکت توانائی عابد شیر علی پارینے کہ حکومت الس دوست ءُ بجٹ اس پیش کرے ہراڑآن نئے بیرہ الس ءِ ریلیف ملا بلکن کاروباری تپہ ہم خوش ءِ، نواز شریف نا وژن نا رداٹ ملک شونداری نا کسر آ روان ءِ، وزیر داخلہ غا جلہو 22 کروڑ الس آ جلہو ءِ۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا وزیر مملکت پارے کہ بجٹ آ شرہ نا چرجوئی برجاءِ، اگہ داٹی شعبہ سے نا بابت کس اسے تون جوان ءُ تجویز ارے تو او ضرور ایتے، دُن انگا تجویز آتا خیرمقدم ءِ کننگک، ساڑی آ حکومت شش میکو بجٹ ءِ پیش کرینے ہرانئے بیرہ الس دوست بلکن زرکار تپہ کن ہم قابل قبول ءِ۔
