سی پیک نا رداٹ خیبر پختونخوا نا ضلع نوشہرہ ٹی واقع رشکئی اقتصادی زون آ کاریم ترندی اٹ برجاء

اسلام آباد۔ 09 مئی (اے پی پی) چین پاکستان اقتصادی راہداری ڈٹ (سی پیک) نا رداٹ خیبر پختونخوانا ضلع نوشہرہ ٹی واقع رشکئی اقتصادی زون آ کاریم ترندی اٹ برجاءِ۔ وزارت ڈٹ بندی ٹی جوڑ کروک سی پیک سیکرٹریٹ نا کمامدارآک اے پی پی ءِ پاریر کہ رشکئی اقتصادی زون (ایم ون نوشہرہ ) کن 1000 ایکڑ ڈغار دوئی کننگانے و صنعتی بستی نا جوڑ کننگ کن گام گیج آتا چرجوئی ترندی اٹ برجاءِ۔ کمامدارآتارداٹ دااقتصادی زون اٹی میوہ و خور انا گڑاتا پیکجنگ ، ٹیکسٹائل سٹچنگ ونیٹنگ و ایلو تعلقدار صنعت آتا جوڑ کننگ و اوفتے کن آسراتی تیا چکار کننگک۔ رشکئی اقتصادی زون انا علاقائی و جغرافیائی اہمیت ءِ مون آ تخسا اوپاریر کہ دا صنعتی بستی آن بالی پٹ نا فاصلہ 65کلومیٹر، ڈرائی پورٹ 65کلومیٹر، ریلوے اسٹیشن 25کلو میٹر، سٹی سینٹر 15کلومیٹر، ہائی وے 5 کلومیٹر و موٹروے باالکل لچوک ءِ۔ اسہ سوج اسے آ اونا پاننگ ئس کہ داعلاقہ ٹی صنعتی بستی نا جوڑ کننگ نا سلاہ صوبائی حکومت نا کنڈآن بسوسس و داٹی بنجائی حکومت نا کنڈآن ہچ ءُ مداخلت اس کننگ تنے۔ کمامدارآتارداٹ سی پیک نا ارٹ میکو مرحلہ نا رداٹ پاکستان اٹی چین نا کمک اٹ صنعتی انقلاب اس بریک ، دامرحلہ ٹی ملک انا ہر چار آ صوبہ، گلگت بلتستان ، فاٹا و آزاد کشمیر اٹی جم وڑاٹ 9 صنعتی زون جوڑ کننگک۔