اسلام آباد۔ 09 مئی (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تے ٹی فنانس ڈویژن نا شونداری کاریم تے کن جم وڑاٹ داوخت اسکان 13 ارب 49 کروڑ 29 لکھ روپئی آن زیات نا فنڈ جاری کرینے، حکومت داڈویژن نا شونداری کاریم تے کن 20 ارب 92 کروڑ روپئی آن زیات نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت ضلع لاہور اٹی شونداری کاریم تے کن 30 کروڑ ، اسلام آباد جی ایٹ ون اٹی بنجائی آڈٹ کمپلیکس نا جوڑ جاڑ کن 90 کروڑ، اوکاڑہ ٹی شونداری کاریم تے کن 10 کروڑ ، ضلع ٹوبہ ٹیک سندھ اٹی شونداری کاریم تے کن 10 کروڑ، ضلع ملتان اٹی روڈ آتا جوڑ جاڑکن 9 کروڑ، ضلع خضدار اٹی روڈ آتا جوڑ جاڑ کن 16کروڑ، ضلع سرگودھا ٹی شونداری کاریم تے کن 29 کروڑ 60 لکھ روپئی تون اوار چندی شونداری ڈٹ آتے کن فنڈ جاری کرینے۔
