اسلام آباد۔26مارچ(اے پی پی) پاکستان ءَ اوگانستان ءِ شہر ہرات ءِ یک مست ءِ سرءَ وت کُش اُرشءَ را سک باز ایر جتگ کہ ایشیءِ تہا معصومیں عبابت جاھ آناں نشانگ جوڈ کنگ بوتگ۔ دری کارانی کارگس ءِ جارچین ءَ دوشمبے ءِ روچءَ جاری بیانءِ تہا ناشرکاری ءِ اے وئیل ءَ را سک باز ایر جتگ ءُ گشتگ کہ پاکستانءَ را ناشرکاری ءِ اے وئیلءِ تہا انسانی جانانی زوال بوھگءِ سرءَ اپسوز بوتگ۔ جارچین ءَ گشتگ کہ عبابت جاھ ءُ مسیت ءِ سرءَ اُرش کنگءَ را ما سک باز ایر جن اَنت۔ جارچینءَ اے اُرش ءِ تہا آماچ بوتگیں مردمانی ھانداناں گوں دلی ھمدردی ءِ درشانی کتگءُ ٹپی آنی زوت جان ءُ سلامتی ءِ ھاترءَ دعا کتگ۔
