اسلام آباد۔26مارچ(اے پی پی) ایم کیو ایم پاکستان پی آئی بی ءِ رہنما ءُ راجی اسمبلی ءِ باسک علی رضا عابدی ءَ گشتگ کہ الیکشن کمیشن ءِ نیمگءَ چہ ڈاکٹر فاروق ستار ءِ ھلاپءَ کتگیں پیسلہ ءَ را چیلنج کنگءِ ھک ءَ داریت، مہ اے پسیلہءِ سرءَ چم شانکی ءِ دزبندیءَ جم کن اَنت۔ دوشمبےءِ روچءَ الیکشن کمیشن ءِ تہا پیسلہءَ پد ھال درءِ گوما گپءُ تران کنانءَ علی رضا عابدی ءَ گشتگ کہ آ ادارگ کہ ٹرائل کُت نہ کنت آ پیسلہ چو ں کُت کنت، بینچ اَست نہ بوتگ ، ریڈرز ءَ پیسلہ داتگ۔ علی رضاعابدی ءَ گشتگ کہ پیسلہ مئے گوما نا انصافی اِت، اے کیسءِ ٹرائلءَ را آمید گسءِ تہا گوشدارگ لوٹ ایت۔ ایشی ءَ چہ پیسر ڈاکٹر فاروق ستارءَ پیسلہ آھگءَ چہ پیسر ھال درءِ گوما گپءُ تران کتگءُ گشتگ کہ الیکشن کمیشن ءِ پیسلہ میرٹ ءُ انصاف ءِ روژناھی ءَ آھگ لوٹ ایت۔ آئیءَ گشتگ کہ مارا یک سیاسی ءُ تنظیمی کشکے درگیجگ لوٹ ایت، منی آئینی پوزیشن ھرچی بہ بیت ایشی ءِ تہا مان گیشگ نہ لوٹ ایت، من ھمک موھءِ سرءَ گشتگ کہ جوانیں رابطہ کمیٹی جوڈ کنگ لوٹ ایت، الیکشن کمیشن انٹرپارٹی جیڑھءَ را گوش نداریت۔ آئیءَ گشتگ کہ تاں 2018ءِ گچین کاریءَ مارا پُشتءَ چارگی نہ اِنت۔ آئیءَ سوج داتگ کہ انٹراپارٹی گچین کاری کنگءُ نوکیں کمیٹی جوڈ کنگ لوٹ ایت۔
