اسلام آباد۔ 06دسمبر (اے پی پی) وزیراعظم نا سلاہکار امور خارجہ سرتاج عزیز پارینے کہ حکومت پائیدار شونداری و نیزگاری نا چٹفنگ ئِ باوری جوڑ کننگ کن پرامن ہمسائیگی و راجی و اقتصادی شونداری ناپالیسی تیا باورکیک۔ سے شنبے آ داڑے ایس ڈی پی آئی نا کنڈآن سیمینار آن تران کرسا اوپارے کہ نیزگاری نا چٹفنگ کن وسیلہ غاتون معاشی و راجی شونداری اہمیت تخک۔ اوپارے کہ پاکستان امداد آن بیدس واپار نا پالیسی آ روان ئِ و شون ہلوک ملک آتیا زورشاغنگ ئِ کہ او تینا پالیسی تیٹی شون ہلوک ملک آتے کن منصفانہ سلوک تخے۔ اوپارے کہ صوبائی و قومی کہول آ تین پہ تینی کمک ، پائیدار شونداری نا ہدف آتا دوئی جاری ئِ۔ سرتاج عزیز پارے کہ نیزگاری نا چٹفنگ کن حقی اڑاندآک سیاسی نوعیت نا ئُ۔ اوپارے کہ اسلام آباد اٹی داکان مست مروک آ سارک دیوان نا التواءآن راجی و معاشی بشخ آتیٹی شونداری سلیس۔ اوپارے کہ پائیدار شونداری ہدف آتا مسخت صرف شون ہلوک ملک آتے کن آخا بلکن شون ہلوک ملک آتے کن ہم ارے۔ سرتاج عزیز پارے کہ لس بندغ نا شون گچین ئُ آپشن اسے و اگہ شیلٹرز، جان جوڑی ، تعلیم کون آ بشخ آتیٹی لس بندغ نا زند اکن زرکاری کننگے تو داخلی جھیڑہ و تنکی آن بچفنگ مریک۔ سرتاج عزیز پارے کہ چین پاکستان اقتصادی راہداری چین وپاکستان نا نیام اٹ سوگو و مثالی تعلقداری تا ٹھوس مظہر ئِ۔ اوپارے کہ کیہی بشخ آتیٹی علاقائی رابطہ و تین پہ تینی شراکت آن ڈیہہ نا شون و سوگوی ئِ باوری جوڑ کننگ مریک۔ اوماحولیاتی چیلنج آتون مون تننگ کن گچین گام گیج آتیا زورشاغا۔
