مزن وزیر شہباز شریف ءَ بیجنگ ءِ آنژن ہسپتال ءِ تر ءُ تاب کتگ، نوکیں ٹیکنالوجی ءُ جوانیں ازمت آنا ساڑاتگ

بیجنگ- 3ستمبر (اے پی پی): مزن وزیر محمد شہباز شریف ءَ بیجنگ ءِ آنژن ہسپتال ءِ تر ءُ تاب کتگ ءُ ہسپتال ءِ تہا کارآمدیں نظام، نوکیں ٹیکنالوجی ءُُ جوانیں ازمت آناں ساڑاتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُُ دری کارانی وزیر محمد اسحاق ڈار، تہی کارانی وزیر محسن نقوی، وفاقی وزیر ءِ منصوبہ بندی ءُ دیمروئی احسن اقبال، وزیر ءِ مالیات محمد اورنگ زیب، بنجاھی وزیر اھوالکاری شنگ کاری عطاء اللہ تارڑ ءُ سر وزیر مزن وزیر ءِ کارگس ساڑی ات۔ اسپتال ءِ تر ءُ تاب ءِ ساھت ءَ مزن وزیر ءَ را اسپتال ءِ استیں آسراتی آنی بابت ءَ سرپد کنگ بوت۔ مزن وزیر ءَ اسپتال ءَ استیں آسراتی آنی چار ءُ تپاسی کت ءُُ اسپتال ءَ جوانیں نظام، نوکیں ٹیکنالوجی ءُُ جوانیں ازمت پجاری کنگ ءِ پد ءَ اسپتال انتظامی ءِ توسیپ کت۔ مزن وزیر ءَ داخلہ کارانی وزیر محسن نقوی ءَ را ہدایت کت کہ آ اسلام آباد ءُ ایندگر ہسپتال آنی تہ ءَ جوڑ بوھوکیں جناح میڈیکل کمپلیکس ءِ تہ ءَ انزن ہسپتال ءِ ماڈل ءِ سر ءَ اسلام آباد ءُ وزارت جان سلامتی ءِ چیر دستی ءَ جوڑ بوھوکیں منصوبگ آنی تہ ءَ سادہ، مھکم ءُ پائیداریں انفراسٹرکچر جوڑ بہ کنت۔ تر ءُ تاب ءِ ساھت ءَ مزن وزیر ءَ را اسپتال ءِ تہ ءَ استیں جان سلامتی ءِ آسراتی ءُ اسپتال ءِ جوانیں انتظامی ءِ واستہ روبوٹ ءُ اے دگہ نوکیں ٹیکنالوجی ءِ آسراتی آنی چار ءُ تپاس کنگ بوت۔