اسلام آباد- 3 ستمبر (اے پی پی): صدر ءِ مملکت آصف علی زرداری ءَ کوئٹہ ءَ شاہوانی اسٹیڈیم ءِ نزیک ءَ تراک ءِ مذمت کتگ ءُ وئیل ءِ پٹ ءُ پول ءِ ہدایت کتگ ۔ چار شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ تراک ءِ تہ ءَ بیران بوتگیں مردمانی کھول ءِ گوما دلپدردی ءِ درشانی کتگ ۔ صدر ءِ مملکت ءَ ٹپیگ آنی زوت جان سلامتی ءِ دعا کت ءُ سیادی داروکیں واکدار آناں جوانیں دوا ءُُ درمان ءِ آسراتی پجاری کنگ ءِ ہدایت کت۔ آئی ءَ ھمگرنچیں ادارگ آناں ھم پرمان داتگ کہ آ اے وئیل ءِ سرجمیں پٹ ءُ پول ءَ بہ کن اَنت ءُ ھواریں عناصر آناں دیم پہ دیم بہ کن اَنت۔
