بیجنگ۔ 03 ستمبر (اے پی پی) وزیراعظم محمد شہباز شریف کوئٹہ ٹی بلوچستان نیشنل پارٹی نا جلسہ ٹی دھماکہ نا ترند انگا لوز آتیٹی مذمت ءِ کرسا سیاسی جلسہ غا جلہو ءِ بلوچستان اٹی دہشت گرد آتا بے چیٹی تالان کننگ ناگندہ انگا سازش نا شاہدی گوندانے۔ چارشنبے نادے آ داواقعہ غا تینا ردعمل اٹی وزیراعظم دھماکہ ٹی نہادی جون تا زیان آ ڈکھیائی و است ہسونی نا درشانی ءِ کرے و واقعہ ٹی ٹھپی مروک آتا زوت دراخ جوڑی کن دعاکرے، وزیراعظم ٹھپی تے گچین طبی آسراتی فراوان کننگ نا پارت کرے۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم دھماکہ ٹی اوار بندغ آتا زوت پیدواری ءِ کرسا اوفتے سخت سزاترفنگ نا پارت ہم کرے۔ اوپارے کہ سیاسی جلسہ غا جلہو بلوچستان اٹی دہشت گرد آتا بے چیٹی تالان کننگ نا گندہ انگا سازش نا شاہدی ءِ، دہشت گرد آک بلوچستان نا امن و شونداری نا دشمن ءُ۔ اودہشت گردی نا عفریت نا پورو چٹفنگ اسکان اونا برخلاف جنگ ءِ برجاتخنگ نا عزم انا درشانی ءِ کرسا پارے کہ کودک شاری تیا دہشت گرد جلہو لغوری ءُ فعل و مذمت نا قابل ءِ۔
