بیجنگ۔ 3 ستمبر (اے پی پی): مزن وزیر محمد شہباز شریف ءَ کوئٹہ ءَ بلوچستان نیشنل پارٹی ءِ جلسہ ءِ تہ ءَ بوتگیں تراک ءِ مذمت ءَ سک مذمت کتگ ءُ سیاسی جلسہ ءِ سر ءَ اُرش ءَ را بلوچستان ءَ آشوب ءِ شنگ کنگ ءِ ناشرکارانی زھرناکیں سازش ءِ پدریں ثبوت لیک اِتگ۔ چار شمبے ءِ روچ ءَ وئیل ءِ سر ءَ وتی رد ءُ بند ءِ تہ …
مزن وزیر شہباز شریف ءَ کوئٹہ ءَ بی این پی ءِ جلسہ ءَ تراک ءِ مذمت کتگ
بیجنگ۔ 3 ستمبر (اے پی پی): مزن وزیر محمد شہباز شریف ءَ کوئٹہ ءَ بلوچستان نیشنل پارٹی ءِ جلسہ ءِ تہ ءَ بوتگیں تراک ءِ مذمت ءَ سک مذمت کتگ ءُ سیاسی جلسہ ءِ سر ءَ اُرش ءَ را بلوچستان ءَ آشوب ءِ شنگ کنگ ءِ ناشرکارانی زھرناکیں سازش ءِ پدریں ثبوت لیک اِتگ۔ چار شمبے ءِ روچ ءَ وئیل ءِ سر ءَ وتی رد ءُ بند ءِ تہ ءَ مزن وزیر ءَ تراک ءِ تہ ءَ گران بھائیں جانی بیرانی ءِ سر ءَ رنج ءُ گم ءِ درشانی کت ءُ وئیل ءِ تہ ءَ ٹپیگیں مردمانی زوت جان سلامتی ءِ دعا کت ۔ مزن وزیر ءَ ٹپیگ آناں جوانیں دوا ءُ درمان ءِ آسراتی پجاری کنگ ءِ ہدایت کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ تراک ءَ ھواریں مردمانی زوت پجار کنگ ءُ آھاں انصاف ءِ دیم ءَ آرگ ءِ ھم ہدایت کتگ۔ آئی ءَ گوشت کہ سیاسی جلسہ ءِ سر ءَ اُرش بلوچستان ءَ آشوب تالان کنگ ءِ ناشرکار آنی چک ءُ پدیں پندل ءِ پدریں ثبوت انت۔ ناشرکار بلوچستان ءِ امن ءُ دیمروی ءِ دژمن اَنت۔ ناشرکاری ءِ راکشس ءِ ھلاپ ءَ جنگ ءَ را داں سرجمی ءَ ھلاس کنگ ءَ برجاہ دارگ ءِ جزم ءِ درشان کنان ءَ آئی ءَ گوشت کہ بے گناہ ءُ بے دفاعیں شہری آنی سر ءَ ناشرکاری اُرش بزدلی ءِ کار اَنت ءُ مذمت ءِ لائک اَنت۔
