کمپنیات آرڈیننس 2016ءقومی اسمبلی ٹی پیش کننگا
آف شور کمپنی، دہشت گردآتا مالی کمک و منی لانڈرنگ کون آ معاملہ غاتا ہم احاطہ ئِ کننگانے
اسلام آباد۔ 18نومبر (اے پی پی) کمپنیات آرڈیننس 2016ءقومی اسمبلی ٹی پیش کننگا، ہراٹی آف شور کمپنی، دہشت گردآتا مالی کمک و منی لانڈرنگ کون آ معاملہ غاتاہم احاطہ ئِ کننگانے وخت اس کہ وزیرخزانہ سینیٹر اسحاق ڈار پارینے کہ 32سال متکن آکمپنیات آرڈیننس نا سوب نن دنیا غان پدی سلیسوسن ، پوسکن آ بل انا کابینہ منظوری ئِ تسنے، کمپنی تا بورڈ دیوان ویڈیو لنک نا کمک اٹ مننگ کیک۔ جمعہ آ قومی اسمبلی ٹی وزیر خزانہ سینیٹر اسحاق ڈار کمپنیات آرڈیننس 2016ءئِ پیش کرے۔ آرڈیننس نا غرض و مسخت آتے بیان کرسا اوپارے کہ داکان مست کمپنی آرڈیننس 1984ءلاگو ئِ ہرا فرسودہ مسنے، ہرانا سوب نن دنیا غان پدی سلیسونن۔ پوسکن آ بل انا کابینہ منظوری ئِ تسنے۔ کمپنی تا بورڈ دیوان ویڈیو لنک نا کمک اٹ مننگ کیک و داکان بیدس رئیل اسٹیٹ نا زرکارآتا رکھ انابابت ہم گام گیج چست کننگانے۔ پوسکن آ دور انا گرج آتے مون آتخسا داکانود اٹی غٹ کڑدہ غاتیان رائے ہلسا تبدیلی کننگانے۔ اوپارے کہ بل اٹی آف شور کمپنی تا بابت ہم بدلی کننگانے۔ دہشت گرد آتا مالی کمک و منی لانڈرنگ کون آمعاملہ غاتا ہم بل اٹی احاطہ کننگانے۔ دا آرڈیننس تدوک آ جمعہ آن ملک اٹی نافذ مسنے۔ نن خوانہ دابل انا کمیٹی تا جاچ ئِ ہلنگے تانکہ زوت آن زاوت دا دے منظور کرسا اودے بل انا دروشم اٹ آخبتی کانود نا درجہ دوئی مننگ کے۔
