قومی اسمبلی ٹی ایل او سی آ بھمبر سیکٹر اٹی بھارتی فوج انا بلااشتعال سم کاری نا برخلاف مذمتی قرارداد امنائی اٹ منظور
اسلام آباد۔ 18نومبر (اے پی پی) قومی اسمبلی ایل او سی آ بھمبر سیکٹر اٹی بھارتی فوج انا بلااشتعال سم کاری نا برخلاف مذمتی قرارئِ امنائی اٹ منظور کرینے ہراٹی ہفت پاکستانی فوجی جام شہادت ئِ نوش کریر۔ جمعہ آ قومی اسمبلی نا دیوان اٹی بنجائی وزیر چوہدری محمد برجیس طاہر قرارداد پیش کرے کہ دا ایوان بھارت نا ایل او سی بھمبر سیکٹر اٹی اشتعال انگیز سم کاری نا ترندی اٹ مذمت ئِ کیک۔ دا بھارتی بیدادی ٹی پاکستانی سپاہی و ایلو بندغ آتا جانی نسخان آ افسوزنا درشانی ئِ کیک۔ پاکستانی بارڈر فورس آتیا بھارتی فوج انا بلااشتعال و بربریت آ مبنی جلہو نا سنجیدگی اٹ نوٹس ئِ ہلسا قرارداد اٹی پاننگانے کہ دا واقعہ غان سیم تیا تصادم و بے چیٹی ٹی ودکی مسنے و دا ایوان پاک فوج انا جیرت و بہادری ئِ خراج تحسین پیش کیک۔ وطن عزیزآ تینا جان تے قربان کروک آ پاک فوج انا بہار ورناتے سلام پیش کیک۔ قومی اسمبلی قرارداد ناامنائی اٹ منظوری ئِ تس۔ داقرارداد آ برجیس طاہر، سید نوید قمر، محمود خان اچکزئی، ڈاکٹر فاروق ستار، شاہ جی گل آفریدی آن بیدس ایم کیو ایم پاکستان نا 10قومی اسمبلی نا باسک آتا ہم دستخط ارے۔
