اسلام آباد۔ 17نومبر (اے پی پی) پاکستان و ترکی ہڑتوم آ ملک آتا نیام اٹ ساڑی خڑکی و کثیر الجہتی رابطہ و کیہی بشخ آتیٹی تین پہ تینی وڑاٹ مفید کمکاری ئِ پین سوگوی تننگ آ اتفاق کرسا تینا خصوصی تعلقداری تے سوگو سٹریٹجک شریداری ٹی بدل کننگ نا اسیجائی عزم انا اعادہ کرینو۔ وزیراعظم محمد نواز شریف ترک صدررجب طیب اردوان تون ون ٹوون اوڑدہی و ڈل انا کہول آ مذاکرات آن گڈ پنچ شنبے آ ایوان وزیراعظم اٹی اسیجاپریس کانفرنس آن تران کرسا پاریر کہ اوک گیشتر معاملہ غاتیا سرجم خیال آتا درشانی ئِ کرینو۔ نن تینا خصوصی تعلقداری تے سوگو سٹریٹجک شریداری ٹی بدل کننگ کن اسیجائی عزم انا اعادہ کریر۔ وزیراعظم محمد نواز شریف پارے کہ ہڑتوم آ کنڈآک اتفاق کریر کہ واپار، زرکاری و واپاری کمکاری ٹی ودکی سوگو اقتصادی تعلقداری تا بایدے محور سلے۔ دارداٹ نن 2017ءنا ایسر اسکان جامع ہڑتوم آ کنڈآتا آزادانہ واپاری معاہدہ کن مذاکراتی عمل پورو کننگ نا فیصلہ کرینن۔ ڈل انا کہول آ ہیت وگپ نا وخت وزیراعظم محمد نواز شریف و ترک صدر رجب طیب اردوان تینا تینا ڈل آتا سروکی ئِ کریر۔

متعلقہ مضامینمصنف کی طرف سے مزید