سعودی ولی عہد تون اوڑدہی ٹی تین پہ تینی کمکاری نا مون آدننگ کن جوان ءُ گپ وتران مس، دے ٹک نیامی و یوکرین اٹی امن کن سعودی عرب نا کڑد ستاکڑزک،وزیراعظم شہباز شریف

اسلام آباد ۔ 20 مارچ (اے پی پی) وزیراعظم محمد شہباز شریف پارینے کہ سعودی ولی عہد شہزادہ محمد بن سلمان بن عبدالعزیز آل سعود تون اوڑدہی ٹی تین پہ تینی کمکاری نا مون آدننگ کن جوان گپ وتران مس ، دے ٹک نیامی و یوکرین اٹی امن کن سعودی عرب نا کڑد ستاکڑزک۔پنچ شنبے نادے آ راجی رابطہ نا ویب سائٹ ایکس آ تینا پوسٹ اٹی وزیراعظم پارے کہ سعودی عرب ولی عہد تون اوڑدہی ٹی پاکستان و سعودی عرب نا نیام اٹ واپار، زرکاری، توانائی و سیکورٹی نا بشخ آتیٹی کمکاری ءِودفنگ آ گپ وتران کننگا۔ اوپارے کہ سعودی عرب نا پاکستان تون پدریسہ کمکاری آ ولی عہد شہزادہ محمد بن سلمان نا منت وار اُن۔ ننا پائیدار سنگتی و شونہالی کن اسیجائی وژن نا سوب تین پہ تینی تعلقداری پوسکن آ بڑزی تیا سرمننگ ءُ۔ و سوگو ہڑتوم آ کنڈآتا تعلقداری تین پہ تینی اقتصادی شریداری ٹی بدل مننگ ءُ۔ وزیراعظم پارے کہ دے ٹک نیامی  و یوکرین اٹی امن کن سعودی عرب نا کڑد ستاکڑزک۔