اسلام آباد۔ 20 مارچ (اے پی پی) ڈپٹی چیئرمین سینیٹ سیدال خان ناصر پنی آ عالم دین و سینئر سیاستدان حافظ حسین احمد نا کزیت آ ڈکھیائی و غم انا درشانی ءِ کرینے۔ پنچ شنبے نادے آ سینیٹ سیکرٹریٹ آن جاری بیان نارداٹ ڈپٹی چیئرمین سینیٹ پارے کہ حافظ حسین احمد نا کزیت اسہ بے بدل ءُ نسخان اسے او نئے بیرہ جید عالم دین و باوقار ءُ سیاست دان اس ئس بلکن تینا حق پاننگ و اصول پسندی نا سوب آن مدام یات تخنگک۔ سیدال خان ناصر ایماندار تون تینا اوڑدہی تا ذکر ءِ کرسا پارے کہ اونا سادگی،بردباری و علمی گہرائی مدام متاثر کن ئس۔ اودعاکرے کہ اللہ تعالیٰ ایماندار ءِ جنت اٹ جاگہ ایتے و خاہوت ءِ صبر وجمیل عطاکے۔
