جدہ۔ 20 مارچ (اے پی پی) وزیراعظم محمد شہبا زشریف پاکستان اسٹاک ایکسچینج نا تاریخ اٹی اولیکو وار اسہ لکھ 19 ہزار پوائنٹ آتا دنگ آن گدرینگ انگ ءِ ستاکڑزوک گوندسا پارینے کہ دا حکومت نا زرگزرانی پالیسی تیا پوریاگر و زرکارآتا ودوک آ پت انا درشانی ءِ۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ پاکستان اسٹاک ایکسچینج اٹی کاروبار نا مثبت کنڈآ حکومت نا زرگزرانی پالیسی تیا پوریاگر و زرکارآتا ودوک آ پت انا درشانی ءِ۔ گچین مرسا زرگزرانی ٹک آک و کاروباری چاگڑد تدوک آ اسہ سال اٹی حکومت نا زرگزرانی پالیسی تا سوب آن ممکن مس۔ وزیراعظم پارے کہ حکومت ملک اٹی کاروبار و زرکاری کن مثبت چاگڑد نا فراوانی نا بابت اولیتی بنداو تیا غٹ ت آسراتی فراوان کننگ ءِ۔
