وزیراعظم محمد نواز شریف نا ملکی شونداری نا وژن آ ترندی اٹ کاریم جاری ئِ، رانا محمد افضل
اسلام آباد۔ 14نومبر (اے پی پی) پارلیمانی سیکرٹری خزانہ رانا محمد افضل خان پارینے کہ وزیراعظم محمد نواز شریف نا ملکی شونداری نا ویژن آ ترندی اٹ کاریم جاری ئِ ۔ ریڈیو پاکستان تون ہیت وگپ کرسا اوپارے کہ پاکستان نا دیکی علاقہ غاتیٹی شاہراہ تا جوڑ جاڑ نا کاریم جاری ئِ و قراقرم ہائی وے نا کسر چین آن 2سد کنٹینر آتا قافلہ گوادر نا کسر خیریت اٹ رادہ مسنے بروک آ اسہ دے اٹی مسٹ میکو جہاز ہم رادہ مریک ہرا داہیت اناشاہدی ئِ کہ چین نا گوادر نا کسر واپاری سفر بناءمسنے و داڑتون اوار ملکی شونداری نا سفر ہم بناءکرینے۔ رانا افضل پارے کہ وزیراعظم محمد نواز شریف نا برسراقتدار بننگ تون اونا ویژن ئس کہ ملک ئِ شونداری و شونہالی نا کنڈادروئیئِ و داویژن آ کاریم ترندی اٹ جاری ئِ۔ اوپارے کہ داڈٹ آتیٹی پاک چین اقتصادی راہداری ڈٹ ہندن ئُ ڈٹ اسے ہراڑآ جہانی برادری ہم حیران ئس کہ دا امر ممکن مریک۔ اوپارے کہ ہمسایہ ملک بھلو وخت اسے آن بجلی نا ڈٹ آتے برجاتخانے و اینو اسکان تینا گرج آتا بجلی ہم ودی کننگ کتنے و اونا مقابلہ ٹی پاکستان نا توانائی نا ڈٹ آتیان بجلی نا پیداوار نا بناءمسنے و صنعت آتے 24گھنٹہ بجلی تننگ انگ ئِ و ہراڑے اُرائی کہول آ 12گھنٹہ نا لوڈشیڈنگ ئس کم مرسا 4گھنٹہ سلیسنے و 2018ءاسکان نن توانائی ٹی پوروی وڑاٹ خودکفیل مریک۔ پارلیمانی سیکرٹری پارینے کہ پاکستان نا صوبہ غاتون اوار سالانہ بجٹ 6آن 8 ارب روپئی مریک و دابجٹ آن ہراشونداری 6سال آتیٹی ممکن مریک او چین نا زرکاری آن اسہ سال انا وخت مرسا نظر بننگ ئِ۔ اوپارے کہ چین وخت اس ہم دننگا حکمران آتون معاہدہ کپک ہراڑے زرکاری رکھوک مف و دا اعتبار ئِ اوفک وزیراعظم محمدنواز شریف آ کریر انتئے کہ اوفتے یخین ئس کہ وزیراعظم پاکستان ہرا وعدہ ئِ کیک اودے پورو کیک۔
