اسلام آباد۔ 13 نومبر (اے پی پی) قومی احتسا ب بیورو (نیب) ئِ چیئرمین قمرزمان چوہدری ئَ گوشت کہ نیب وتی ھمروچگیں کار، اِزمی رنگ ئَ میرٹ ئِ پد ئَ پاکستان ئَ لُچی ئُُ ٹھگی ئِ ھلاس کنگ ئِ ھاترا دلیکیم اِنت۔ نیب ئِ کارگس لچڈی ئِ ھلاس کنگ ئِ ھاترا لُٹ ئُُ پل کتگیں زرّ آنی دزگیر کنگ ئِ ھاترا جوڑ کنگ بوتگ۔ نیب ئِ اے مول ئُُ مراد ے سرپدی کنگ ئِ ھاترا کانود جوڑ کتگ ئَ ھوار اے پڑ ئَ بازیں گامگیج چست کتگ۔ کیس آنی گوشداری ئَ ھوار انکوائری، انوسٹی گیشن ئُُ کیاسی آمید گس آنی تہ ئَ ریفرنس جم کنگ ئِ کار آناں کانود ئِ رد ئَ کنگ بوھگ ئَ اِنت۔ اے ھیالانی درشانی آئی ئَ چین ئِ روبرکتی صوبہ سنکیانگ ئِ دارالحکومت ارومچی ئَ صوبائی گورنر شہرت ذاکر ئَ گوں گند ئُُ نند ئِ ساھت ئَ تران کنان ئَ گوشت اَنت۔ گند ئُُ نند ئِ ساھت ئَ ارومچی ئِ مئیر ئُُ سنٹرل کمیشن فارڈسپلن اینڈ انسپکشن ئِ کارندہ ھم ساڑی اَتاں، گند ئُُ نند جوانیں تبے ئَ گوںبوت۔ گند ئُُ نند ئِ تہ ئَ وت مہ وتی یکوئی ئُُ واھشت ئِ کار آنی بابت ئَ ھیال ریچی ھم کنگ بوت۔
