گوادر ۔ 13 نومبر (اے پی پی) مزن وزیر محمد نواز شریف 46 ارب ڈالر ئِ ھرچ ئَ درچ ئَ چہ پاک چین اقتصادی راہداری منصوبگ ئِ ھاتراگوادر دکہ ئِ وسیلگ ئَ چینی سامان آنی میاں اوستمانی مارکیٹ ئَ پُجارینگ ئِ بُنگیج ئَ کنگ ئِ واستہ یک شمبے ئِ روچ ئَ گوادرد ئَ سر دبوت۔ دیمپانی ئِ وزیر خواجہ محمد آصف، آرمی چیف جنرل راحیل شریف، راجی سلامتی ئِ مشیر ناصر خان جنجوعہ، نیشنل پارٹی ئِ سربراہ میرحاصل بزنجو، جمیعت علماءاسلام (ف) ئِ سربراہ مولانا فضل الرحمان ھم مزن وزیر ئِ ھمبراہ اَتاں۔سر وزیر بلوچستان نواب ثناءاللہ زہری ئُُ بُنجاھی وزیر سیفران عبدلقادر بلوچ ئَ مہمان آناں وش اتک کُت۔ وتی تر ئُُ تاب ئِ ساھت ئَ مزن وزیر چینی سامان آنی گوادر دِکہ ئِ پُجگ ئُُ دیم ئَ روان دیگ ئِ بُنگیجی مراگش ئَ گوں گشتانک ھم دنت۔ چین ئَ چہ درکپوکیں تجارتی کاروان دراجیں پند ئِ بُرگ ئَ پد گوادر ئِ دِکہ ئَ سر بوتگ۔ اے ساھت ئَ پاک اُرد ئُُ کانود مھکم داروکیں ادرگ آں چینی کاروان ئَ را سرجمیں دیمپانی ئِ گوما گوادر ئَ پُجارینت، چینی سامان نوں بازیں دمگ آنی واستہ روان دیگ بوھگ ئَ اِنت۔

متعلقہ مضامینمصنف کی طرف سے مزید