اسلام آباد۔ 11نومبر (اے پی پی) فاٹا ٹی آپریشن ”ضرب عضب“ آن زہمی مروک آ ہند آتا سروے نا عمل جاری ئِ ، داوخت اسکان 17ہزار 50اُراتا سروے پورو کننگانے۔ جمعہ آ فاٹاسیکرٹریٹ نا ترجمان محمد علی ”اے پی پی“ تون ہیت و گپ کرسا پارے کہ فاٹا ٹی آپریشن ضرب عضب آن زہمی مروک آ علاقہ غاتیٹی ہند آتا سروے نا عمل جاری ئِ تانکہ بے اُرا بندغ آتا ہند آتا نسخان نا اندازہ ئِ خلسا اوفتے معاوضہ ادا کننگ مرے۔ اوپارے کہ داوخت اسکان سروے ٹی 17ہزار 50اُراتا سروے کننگانے ہراٹی 11ہزار 982اُرا پوروی وڑاٹ بھس مسنووخت اس کہ 5ہزار 68ہند آتے جزوی وڑاٹ نسخان رسینگانے۔ اوپارے کہ سروے ٹی سویلی وزیرستان نا 7ہزار 504اُرا پورو بھس وخت اس کہ اِرا ہزار 784اُراتے جزوی وڑاٹ نسخان رسینگانے۔ قطبی وزیرستان نا 441اُراتے پوروی وڑاٹ بھس وخت اس کہ اسہ ہزار 257اُراتے جزوی وڑاٹ نسخان رسینگانے۔ اوپارے کہ اورکزئی نا 816اُرا پوروی وڑاٹ بھس وخت اس کہ 50اُراتے جزوی وڑاٹ نسخان رسینگانے۔ کرم ایجنسی نا 349اُراپورو بھس وخت اس کہ 67اُراتے جزوی وڑاٹ نسخان رسینگانے۔ و خیبر ایجنسی نا 2872اُراپوروی وڑاٹ بھس مسنو وخت اس کہ 910اُراتے جزوی وڑاٹ نسخان رسینگانے۔ اوپارے کہ بے اُرا بندغ آتے ہند آتا دُوارہ جوڑ جاڑ کن معاوضہ غاتا ادائیگی نا چرجوئی جاری ئِ۔ پوروی وڑاٹ بھس مروک آ اُراتا مالک آتے چارلکھ وخت اس کہ جزوی وڑاٹ زہمی مروک آ اُراتا مالک آتے اسہ لکھ 60ہزار روپئی تننگ انگ ئِ۔
