اسلام آباد۔ 10نومبر (اے پی پی) رینجرز نا گاڈی ئِ فتح جنگ نا خڑک موٹروے آ حادثہ نا نتیجہ ٹی 2کارندہ تپاخت و 9ٹھپی مسنو۔ نجی ٹی وی چینل نا رداٹ اسلام آباد موٹروے ایم ون آ فتح جنگ انا خڑک رینجرز نا گاڈی ٹائیراڈ ملنگ نا سوب چپی مس ہرانا نتیجہ ٹی 2کارندہ موقع غا تپاخت کریر و 9ٹھپی مسر۔ ٹھپی تے سی ایم ایچ راولپنڈی گدریفنگانے۔ پولیس نا رداٹ تپاخت کروک آ حوالدار عاصم و لانس نائیک آصف اوارئُ۔ رینجرز کارندہ غاک راولپنڈی آن تربیلا غا ہنارہ، حادثہ نا وخت گاڈی ٹی 14کارندہ سوار ئسر۔
