اسلام آباد۔ 09 نومبر (اے پی پی) ڈیرہ مراد جمالی ٹی نادرست سلہہ بند بندغ آتاسم کاری آن 2پولیس کارندہ تپاخت کرینو۔ نجی ٹی وی چینل نا رداٹ بلوچستان نا علاقہ ڈیرہ مراد جمالی ٹی نادرست سلہہ بند شرپسند آک ڈیوٹی آ سلوک پولیس کارندہ غاتیا سم کاری کریر ہرانا نتیجہ ٹی ہڑتوم آ پولیس کارندہ غاک ٹھپی مسر۔ ریسکیو ٹیمک ہڑتوم آ کارندہ غاتے خڑک انا ہسپتال آ گدریفیر ولے ہڑتوم آک ٹھپ آتا وس ئِ ہتنگ کتوس دنیا ئِ الار۔ پولیس ترجمان واقعہ ئِ پک کرسا پارے کہ دوبہ دار آتا دزگیری کن چھاپہ خلنگ انگ ئِ۔ وزیراعلیٰ بلوچستان نواب ثناءاللہ زہری واقعہ نا ترندی اٹ مذمت ئِ کرسا سینئر پولیس کارندہ غاتیان رپورٹ ئِ طلب کرے و واقعہ ٹی اوار عنصر آتے دزگیر کرسا زوت اوفتے اوفتا کروک نا سزا تننگ نا پارت کرینے۔

متعلقہ مضامینمصنف کی طرف سے مزید