اسلام آباد۔ 08 نومبر (اے پی پی) مزن وزیر محمد نواز شریف ئَ گوشتگ کہ نوکیں اسلام آباد بالی پڑ میاں اوستمانی دابے جوانیں ئِ بیتئُُ ایشی ئَ چہ پاکستان ئِ تُرندی ئَ گوں دیمروئی کنگ ئِ گیش پجار سُہرا بیت۔ آئی ئَ اے ھیالانی درشانی سئے شمبے ئَ اِدا مزن وزیر گس ئَ پی آئی اے ئُُ شہری بالی کار آنی بابت ئَ یک دیوانے ئَ گوں تران کنان ئَ ھیالانی درشانی کُت۔ مزن وزیر ئَ نوکیں اسلم آباد بالی پڑ ”ائیرپورٹ“ ئِ جوڑشتی کار آنی چار ئُُ تپاسی کُت۔ مزن وزیر ئَ را گوشگ بوت کہ نوکیں بالی پڑ جوڑشت ئِ توامیں تک ئَ کار بوھگ ئَ اِنت۔ مزن وزیر ئَ پنت ئُُ شون کُت کہ راولپنڈی ئَ چہ نوکیں اسلام آباد بالی پڑ لنک روڈ پراجیکٹ ئَ را مارچ 2017ئَ سرجم کنگ بیت۔ مزن وزیر ئَ نیشنل ہائی وے اتھارٹی ئَ را پنت ئُُ شون کُت کہ لنک روڈ پراجیکٹ ئِ کار آناں میاں اوستمانی کچ ئَ چار ئُُ تپاسی کنگ بہ بیت۔ مزن وزیر ئَ گوستگیں شش ماھ آنی راجی بالی پڑ ے ھواریں رنگ ئَ گامگیج آنی سر ئَ چار ئُُ تپاسی کُت۔ پی آئی اے ئِ چیئرمین ئَ دیوان ئِ بھر زُرتگیں مردم آناں سرجمیں پریزنٹیشن دات ئُُ گوشت کہ رسانک ئِ تہ ئَ جوانیں گیشی بوتگ۔ دیوان ئَ را گوشگ بوت کہ مساپر آنی کساس ھواریں رنگ ئَ 26.7 درسد گیشی بوتگ وھدیکہ ائیر لائن ئِ اِزم ئِ تہ ئَ 17.3 درسد گیشی بوتگ۔ دیوان ئِ تہ ئَ گوشگ بوت کہ پی آئی اے ئِ ڈنی ملک آنی تہ ئَ بال آنی تہئَ گیشی بوتگ ئُُ آیوکیں وھد ئَ ایشی ئِ تہ ئَ انگت گیش گیشی کئیت۔
