اسلام آباد۔ 08نومبر (اے پی پی) سیکرٹری خزانہ ڈاکٹر وقار مسعود پبلک اکاﺅنٹس کمیٹی نا دیوان اٹی بفننگ نا بابت پی اے سی ٹی پیش مرسا بشخنداری کرے۔ سے شنبے آ پی اے سی نا دیوان اٹی او استفسار آ پارے کہ او وزیراعظم تون اختہ ئس اونا سوب او کس اسے نا فون کال ئِ ہم وصول کننگ کتنے ہراڑکن او معذرت خواہ ئِ ۔ سید خورشید احمد شاہ پارے کہ نے ہر کس کہ طلب کے نی پی اے سی ئِ اہمیت ایت۔ وزیراعظم صفاپارت کرینے کہ کابینہ نا دیوان ہم پی اے سی ئِ فوقیت تننگے۔ ڈاکٹر وقار مسعود دا شئیر ئِ خوانا۔”ہوئی تاخیر تو کچھ باعث تاخیر بھی تھا۔آپ آتے تھے مگر کوئی انا گیر بھی تھا“۔ یات سلے کہ تدوک آ دے پی اے سی نا ذیلی کمیٹی نا دیوان اٹی سیکرٹری خزانہ ڈاکٹر وقار مسعود تینا اختہ مننگ ناسوب ساڑی مننگ کتوکہ۔
