اسلام آباد۔ 08نومبر (اے پی پی) پاکستان اٹی تعینات بھارت نا ڈپٹی ہائی کمشنر جے پی سنگھ ئِ سے شنبے نا دے دفترخارجہ بٹنگ انگا و بھارتی فورس آتا کنڈآن کنٹرول لین آ سیز فائر نا پدریسہ خلاف ورزی آ شدید برانز ریکارڈ کننگا۔ دفترخارجہ نا ترجمان نا رداٹ ڈائریکٹر جنرل سویلی ایشیاءو سارک ڈاکٹر محمد فیصل بھارتی ڈپٹی ہائی کمشنر ئِ دفتر خارجہ بٹنگا و 7نومبر آ بھارتی فورس آتا کنڈآن لین آف کنٹرول آ نکیال و جندروٹ سیکٹرز اٹی بلااشتعال سیز فائر نا خلاف ورزی تیا برانزی مراسلہ ئِ اونا حوالہ کننگا۔ بھارتی فورس آتا بلااشتعال سم کاری آن اسہ نیاڑی و چناتے تون اوار مسہ سویلین شہید و چار ٹھپی مسوسر۔ ڈائریکٹر جنرل بھارت آ زورشاغا کہ او سیز فائر معاہدہ نا پابندی ئِ کے، واقعہ نا جاست وپاست آن پاکستان ئِ معلومدار، خلق آتے دانستہ نشانہ جوڑ کننگ آن پانادکے و ایل او سی آ امن ئِ برقرار تخے۔
