اسلام آباد۔ 08نومبر (اے پی پی)بھارت نا کنڈآن بگلیارڈیم آ دیر ئِ بند کننگ آن دریاب چناب اٹی 30ہزار کیوسک دیر کم مسنے۔ اسہ نجی ٹی وی چینل اس محکمہ انہار پنجاب نا کنڈآن خبر ترسا پارینے کہ بھارت نا کنڈآن بیدادی و سندھ طاس معاہدہ نا خلاف ورزی نا چرجوئی جاری ئِ و بگلیا رڈیم آ دریاب چناب نا دیر ئِ بند کننگ آن ہیڈ مرالہ نا ہند آ دیر انا کہول تمانے۔ محکمہ انہار پنجاب نا کارندہ گلزار نا پاننگ ئِ کہ تدوک آ تو دریاب چناب اٹی دیر انا کہول 40ہزار کیوسک ئس ہراکہ کم مرسا 10ہزار کیوسک سلیسنے، ہرانا سوب ہزار آ ایکڑ آ سلوک فصل آک بھس مننگ نا خلیس ودی مسنے۔ ہندی بندغ آتا پاننگ ئِ کہ ننا دارومدار نہری دیر تیاٹی ئِ و نہرک بارسنو۔ دیر انا کمتی نا سوب مرالہ راوی لنک نہر ئِ ہم بند کننگانے۔ اوحکومت آن خواست کرسا پارے کہ سفارتی کوشست آتون اوار اوار جہانی عدالت انصاف نا درگہ ئِ کھٹکھٹائفنگے تانکہ بھارت ئِ ہندا بیدادی آن توننگ مرے۔
