وزیراعظم نا وکیل سلمان اسلم بٹ تینا موکلین نا بابت گونڈو بیان جمع کرفے، سپریم کورٹ نا جج آ تالان اسہ باسکی جوڈیشل کمیشن اسے ناپڑو بیان آتا جمع مننگ آن گڈ کننگک، عدالت
اسلام آباد۔ 03نومبر (اے پی پی) سپریم کورٹ پانامہ لیکس نا بابت کیہی درخواست آتا سماعتئِ 7نومبر(دوشنبے) اسکان ملتوی کرسا پارت کرینے کہ غٹ کڑدہ غاک اہنو ہی ٹی او آرز عدالت اٹی جمع کرفیر وخت اس کہ وزیراعظم محمد نواز شریف نا وکیل سلمان اسلم بٹ ئِ تینا موکلین تا بابت گونڈو بیان جمع کرفنگ نا پارت کرینے۔ چیف جسٹس انور ظہیر جمالی نا سروکی ٹی پنچ باسکی بینچ کیس انا سماعت ئِ کرے۔ عدالت عظمیٰ اسہ درخواست گزار طارق اسد ایڈووکیٹ نا کنڈآن دائر پٹیشن اٹی فریق جوڑ مننگ کن اسہ شاری اسد کھرل نا کنڈآن دائر خواست ئِ مسترد کرے۔ عدالت پارے کہ بیان آتا جمع مننگ آن پد کمیشن نا پڑو ئِ کننگک۔ جوڈیشل کمیشن اسہ باسکی مریک ہرا سپریم کورٹ نا حاضر جج آ تالان مریک و اودے سپریم کورٹ نا جج انا اختیارآک دوئی مریرہ۔
