اسلام آباد۔ 2نومبر ( اے پی پی) تحریک انصاف ئِ راھشون شاہ محمود قریشی ئَ گشتگ انت کہ گچینکاری کمیشن ئَ نا اہلی ئِ درخواست ئِ سرا اکثریتی رائے اے ات کہ اے معاملہ سپریم کورٹ ئَ زیر سماعت انت گڑا چے گچینکاری کمیشن ئَ زیر سماعت بوت کنت۔ اے ھوالہ ئَ گچینکاری کمیشن ئَ پیسلہ کنگی انت ۔ چار شمبے ئَ گچینکاری کمیشن ئِ دیما میڈیا ئَ گوں گپ ئُُ تران کنگئَ شاہ محمود قریشی ئَ گشتگ کہ سپریم کورٹ ئَ مرچی پنچ شمبے ئَ پانامہ پیپرز ئِ ھوالہ ئَ کیس ئِ سماعت کنگی انت ہمے ھاتر ئَ اے کساس ئِ گچینکاری کمیشن ئَ دائر درخواست آنی دائرہ کار ئِ معاملہ انت ئُُ گچینکاری کمیشن ئَ سیل کنگی انت کہ آئی دائرہ کار ئَ انت یا آئی ئَ سپریم کورٹ ئِ پیسلہ ئِ انتظار کنگ لوٹیت۔ عمران خان ئِ وکیل بختیار قصوری ئَ گشتگ کہ گچینکاری کمیشن اے پڑ ئَ اتھارٹی انت۔ آئی ئَ گشتگ کہ اگاں خیبر پختونخوا ئُُ پنجاب ئِ حکومت وت پہ وت ئَ یک دومی ئَ بہ مڑتیں گڑا اے پاکستان ئِ تاریخ ئِ یک ھترناک وھیل بہ بوتیں۔
